Јогуртот може да се користи како пијалок, да се меша со овошје, мед и зеленчук, да се употребува во десерти, да се додава во салати и во сосови и многу повеќе... Резултатот е голем избор на нискокалорични јадења кои можат многу да Ви помогнат во деновите пред годишните одмори, кога посакувате да ги намалите килограмите.

Печени тиквички

Состојки:

1. Кромид - 1 главица
2. Маслиново масло - 2 лажици
3. Tиквички - 600 гр.
4. Оригано
5. 2 Свежи домати
6. Конзервирана пченка - 200 гр.
7. Сол
8. Бибер
9. Безмасен јогурт - 200 мл.
10. Пармезан - 100 гр.

Подготовка:

1. Излупете го кромидот и исецкајте го.
2. Загрејте го маслииновото масло во тава и запржете го кромидот.
3. Измијте ги тиквичките и исецкајте ги во коцкички. Додадете ги во тавата.
4. Додадете оригано. Гответе го 10 мин.
5. Измијте ги доматите и додадете ги во тавата.
6. Додадете ја пченката, солта и биберот.
7. Измешајте и додадете ги тиквичките во тава за печење. Прелијте го јогуртот врз нив и додадете пармезан.

Свежа салата

Состојки:

• 3 свежи домати
• 2 пиперки
• 3 јајца
• Половина главица кромид
• Сол
• Безмасен јогурт 0,5 л
• Магдонос

Подготовка:

1. Измијте ги доматите и пиперките и исецкајте ги на мали коцки.
2. Jaјцата сварете ги (тврдо), излупете ги и исецкајте ги.
3. Излупете го кромидот и исецкајте го.
4. Ставете ги исецканите домати, пиперките и тврдо варените јајца во длабока чинија.
5. Измешајте ги јогуртот со магдоносот и прелијте врз зеленчукот.
6. Се меша целата салата и се остава во ладилникот некое време.

Печен пилешки стек со лимон, лук и сецкани бадеми

Состојки:

• Пилешки гради - 600 гр.
• 2 лимона
• Лук
• Полумасен јогурт - 150 гр.
• Сол
• Бибер
• Мајчина душица
• Сецкани бадеми - 50 гр.

Подготовка:

1. Пресечете ги пилешките гради на 4 парчиња.
2. Истискајте еден лимон за да добиете сок. Одвојте го лукот во чешниња и излупете ги.
3. Измешајте едно истолчено чешне лук, лимонов сок, јогурт сол и бибер во сад. Ставете го месото во садот и нека стои 30 мин.
4. Исецкајте го другиот лимон.
5. Измачкајте ја тава со зејтин и ставете ги парчињата лимон и чешнињата од лук. Ставете ги пилешките гради и магдоносот врз нив.
6. Печете на 180 степени 15 мин и потоа додадете ги сецканите бадеми врз месото и печете уште 15 мин.

Добар апетит!