|
Мерино волната е составена од т.н. „живи влакна“, и токму затоа и е потребно посебно одржување. Ви ги препорачуваме следниве начини на чистење и перење:
Производите од чиста мерино волна не треба да се перат со вода, третираат со хлор, ниту пак да се пеглаат. Ви препорачуваме хемиско чистење, со внимателно користење на вода и на максимална температура од 35 степени.
Во случај на мерино производот да не му е потребно комплетно перење, туку само отстранување на дамки, ви го препорачуваме следниов начин на чистење:
- Талк пудра (бебешка): за дамки од сладолед, пудинг, супа
- Млака вода: за дамки од шеќер, млеко, пијалоци, џус, пот, лепак, јод
- Топла вода: за дамки од млеко, јајца, вино, мајонез, трева, плунка, пиво, бои за кречење
- Алкохол: за дамки од кармин, газирани пијалоци
- Специјален талк за дамки: за дамки од мармалад, чоколадо, какао, чај, алкохолни пијалоци, пиво, сол, крв, трева, бои за кречење, `рѓа
- Разреден оцет: за дамки од урина
- Ацетон: за дамки од лак за нокти
- Избелувач: за дамки од изгорено
- Разредувач: вар, масни бои, боја за чевли
Кога е во прашање одржувањето на производите од чиста мерино волна, потребно е да се обрати внимание на проветрувањето (без директно изложување на сонце) и на нежното четкање. Со тоа ќе придонесете производот од чиста мерино волна долго да изгледа како нов.
|