Има повеќе причини за проѕевањето. Најчести се уморот и поспаноста.

Имено, кога сме уморни или поспани, мускулите за џвакање во вилицата се опуштаат, што потсвесно го предизвикува рефлексот познат проѕевање. Истата реакција може да биде и резултат на досадување.

Понекогаш се проѕеваме откако сме се опуштиле по напната и стресна ситуација. Кога телото се опушта, а истовремено се намалува и нивото на адреналин, се појавува проѕевањето.

Последна и најретка причина за проѕевањето е ослободување на поттиснати чувства. Имено, проѕевањето може да биде поттикнато од премногу насобрани емоции, како на пример гнев, лутина, апатија...Телото со проѕевањето нѐ ослободува од тие емоции и се обидува да нѐ смири.