Дали ви треба прочистувач на воздухот?

Квалитетот на воздухот во вашиот дом можете да го подобрите со прочистувач на воздух кој ги заробува гасовите и честичките пред тие да проциркулираат низ вашиот дом.

Помислете колку време поминувате дома – спиете, одмарате, јадете, се дружите со вашите пријатели и семејството. Сакате воздухот кој го дишете додека сте дома да биде што е можно почист и побезбеден. Дури и ако се по дома ви е темелно исчистено, не значи дека воздухот кој го дишете е квалитетен. Можеби е време да размислите за купување на систем за прочистување на воздухот.

Како функционира еден прочистувач на воздухот

Системот за прочистување на воздухот отстранува некои загадувачи и го подобрува квалитетот на воздухот внатре во вашиот дом.

Честичките во воздухот кои можат да бидат отстранети со помош на некои системи за прочистување вклучуваат:

• Полен
• Првут од домашните миленичиња
• Дим од цигари
• Прашина и прашински грини
• Мувла
• Вируси и бактерии
• Пареата од готвењето

Гасовите во воздухот кои можат да се отстранат од страна на некои системи за прочистување на воздухот вклучуваат хемикалии од:

• Бои и лакови
• Средства за чистење
• Гасови од кујната
• Дим од цигари
• Издувните гасови од автомобилите
• Некои градежни материјали

Видови на системи за прочистување на воздухот

Еве неколку видови на системи за прочистување и што всушност тие отстрануваат од воздухот:

• Филтер за воздух. Филтерот за воздух ги отстранува малите честички од воздухот.
• Филтер за гасови. Филтерот за гасови ги отстранува штетните гасови со помош на материјал, најчесто јаглен, кој ги абсорбира.
• PCO (Фотокаталитичка оксидација) прочистувач на воздух. Овој уред отстранува одредени штетни гасови со тоа што ги претвора во безбедни со помош на катализатор и УВ светлина.
• UVGI (Ултравиолетово антибактериско зрачење) прочистувач на воздух. Овој вид на прочистувач со помош на УВ светлината ги отстранува бактериите, алергените, мувлата и вирусите. Сепак, одредени видови на бактерии и вируси можат да се уништат само со подолга изложеност на УВ зраците.
• Систем за прочистување на воздух на база на генерирање на озон. Ваквиот прочистувач ги отстранува гасовите, честичките, мувлата, алергените, бактериите и вирусите со помош на озонот.

Дали ви треба систем за прочистување на воздухот?

Прво, многу е важно да знаете што имате во воздухот дома и дали тоа влијае на вашето здравје. Тоа што треба да го знаете е дека ниеден систем за прочистување не може да ги уништи сите загадувачи во воздухот.

Како да одберете и како да го користите системот за прочистување

Постојат многу видови на системи, но најдобар за вас е оној кој е најефикасен во отсранување на оние загадувачи кои директно вас ве засегаат.

Начинот на нивна употреба зависи од видот на системот кој ќе го одберете:

• Филтерите за воздух и другите системи за прочистување најчесто се ставаат во системот за вентилација за да можат да го прочистуваат воздухот низ целиот дом.
• Преносните системи за прочистување го филтрираат воздухот во онаа соба во која се наоѓаат и лесно можете да ги преместувате од едно на друго место,

Редовното проветрување на просториите ќе ви помогне природно да го прочистите воздухот. Едно од најважните нешта кои треба да ги направите е да ги намалите или отстраните оние работи кои ја создаваат загаденоста, како што е прашината, мувлата и влакната од домашните миленичиња, и не чувајте дома отровни хемикалии со што ќе го заштитите вашиот дом и вашето здравје.