Најдобро време од денот за сите активности

Земање мултивитамини

Мултивитаминските додатоци е најдобро да се земаат заедно со појадокот, бидејќи витамините се дел од храната, па така, без разлика дали се работи за витамини кои се раствараат во вода или во масти, тие секако подобро ќе се апсорбираат ако ги внесете заедно со својот појадок.

Посета на лекар

Најдоброто време за посета на лекар е помеѓу 8 и 9 часот, односно помеѓу 13 и 14 часот. Ако закажете преглед рано наутро, ќе чекате многу помалку. Што е уште поважно, лекарите се многу посвежи наутро и веднаш по ручекот. Тогаш можат да ви го посветат полното внимание.

Дремка

Оптимално време за дремка е периодот помеѓу 13 и 14.30 часот. Порано докторите сметале дека желбата за попладневна дремка се должи на ручекот, но денес знаеме дека во текот на овој период доаѓа до пад на телесната температура, што предизвикува поспаност. Ако имате можност да поспиете од 20 минути до еден час, тогаш ќе се разбудите освежени, со подобрена концентрација и зголемено ниво на продуктивност.

Шетање на кучето

Ако чувате куче, треба да го шетате во периодото помеѓу 20 и 21 часот. Вие можеби го гледате овој процес како шанса да се раздвижите, но кучето го гледа како социјален живот. Навечер, вие ќе имате повеќе време да се прошетате, а вашиот миленик ќе може да ужива во потивката атмосфера која не може да ја добие наутро.

Кардио вежби

Фитнес експертите велат дека најдобро време за кардио вежби е периодот помеѓу 17 и 18 часот. Вежбајќи во овој период повеќе влијаете врз зголемување на кондицијата, ги намалувате шансите за повреда и позитивно влијаете на циклусот на спиење.

Барање покачување на платата

Апсолутно најдобро време да побарате покачување на платата е 17 часот. Клучот е во тоа да пронајдете време кога вашиот шеф не е под притисок од рокови и обврски и ќе има време да ве сослуша. Непосредно пред крајот на работното време, шефот е најопуштен и поради тоа, ако барате покачување, ова е вистинското време.

Чистење на домот

Ако чистите попладне (околу 16 часот), многу е поверојатно дека ќе го правите тоа со поголема концентрација и во далеку подобро расположение. Ова е периодот кога сте најопуштени, но многу поважно, тогаш координацијата помеѓу рацете и очите го достигнува врвот.

Читање и задржување на информациите

Ако учите за испит или пак се подготвувате за важна презентација, најдобро време да го направите тоа 8 часот, кога задржувате најголем дел од брзо внесените информации. Доколку пак читате подолг материјал, тогаш оптимално време е 22 часот, кога мозокот е многу поорганизиран.