Престанете да губите сон поради болки во грбот

Престанете да губите сон поради болки во грбот

Дали сте и вие помеѓу тие 70% од луѓето кои не можат да заспијат затоа што чувствуваат напнатост во грбот, најверојатно во долниот дел? Колку и да е тоа резултат на вашиот животен стил или здравствен проблем, не треба да страдате во тишина и да се надевате дека ќе исчезне.

Од каде ви е болката?

Размислете кога чувствувате болка во грбот. Дали е присутна во текот на денот или само кога ќе легнете да спиете? Или се јавува наутро при станување? Ако тоа е поврзано со вашиот сон, тогаш вашето решение е прилично лесно. Ако не е, следните совети може да ви помогнат да ја ублажите болката.

Проверете дали вашиот 'рбет има правилна поддршка за време на спиењето

Иако ова може да звучи навистина тешко да се определи, всушност навистина не е. Мора да ја земете во предвид вашата положба на спиење, телесната тежина и ширината на вашите рамена и колкови, особено ако спиете на страна. Кога вашето тело е несоодветно поставено и имате чувство дека тонете премногу длабоко, веројатно спиете на душек кој е премногу мек за вас или веќе е стар, полн со грутки и нерамнини, па треба да се замени. Во секој случај, вашето тело не е соодветно поддржано.

Што можете да направите околу тоа?

Ако купувањето нов душек не ви е опција во овој момент, може да го подобрите спиењето со ставање поцврст над-душек или со прилагодување на цврстината на летвичките на креветот. Сепак, имајте на ум дека ова решение е само привремено. Ако имате премногу цврст душек, имате среќа бидејќи горните слоеви на над-душеците се направени од мемори пена или други флексибилни материјали, па можат да го намалат несаканиот притисок врз вашето тело. Така не само што вашите мускули и зглобови ќе се релаксираат, туку и ќе имате подобра шанса да го поставите вашиот 'рбет во правилна позиција.

Проверете ја положбата на главата и вратот за време на спиењето

Кога станува збор за спиењето, од клучно значење е да сме свесни за положбата во која спиеме. Не грижете се ако се вртите во текот на ноќта бидејќи тоа е сосема нормално. Но, внимавајте во која положба е вашето тело, кога будењето се случува поради несакана болка.

•  Доколку спиете на стомак, лошата вест е тоа што вашата положба на спиење е онаа која најчесто предизвикува болки во грбот и во вратот. Причината е тоа што главата и вратот се премногу издигнати, а лумбалниот регион на вашиот 'рбет присилно се тегне надвор од неговите нормални граници. Обидете се да ставите перница под стомакот за да ја спречите појавата на напнатост. Исто така, ако ви треба перница под главата, обидете се со пониска.
• Исто така и оние што спијат на грб треба да внимаваат да не користат превисока перница. Што се однесува до напнатоста во лумбалниот дел - за да се поддржи природната кривина на 'рбетот, помагаат подигнатите колена, па затоа поставете под нив свиткана крпа или перница.
• Оние кои што спијат на страна имаат среќа бидејќи во оваа позиција има најмалку оптоварување на грбот, особено ако ги привлечете нозете кон градите и ставите перница меѓу нив.

Одвојте само 15 минути дневно за редовно вежбање

Во текот на денот го оптоваруваме нашето тело на многу начини – или премногу седиме или премногу стоиме, трчаме да завршиме безброј обврски, креваме тешки предмети, односно претеруваме со физичка активност и затоа не треба да заборавиме да се грижиме за нашето држење и да правиме паузи помеѓу активностите. Одвојте 15 минути дневно за да му дадете на вашето тело можност да зајакне и да се опушти.