Супер храна за зголемено либидо

Активниот сексуален живот е клучен за доброто здравје и општата благосостојба. Храната која ја јадеме е многу значајна за сексуалниот нагон. Следниве прехранбени производи кои позитивно влијаат на либидото, се само дел од големата листа.

Семки од тиква

Семките од тиква се едни од ретките плодови кои содржат цинк, кој е клучен за излачувањето тестостерон. Недостигот од овој хормон може да предизвика комплетно губење на сексуалниот нагон кај жените. Овие вкусни семки се богати и со омега-3 масни киселини, кои се клучни за општото сексуално здравје.

Банани

Бананите го засилуваат машкото либидо. Содржат ензим кој се вика бромелаин, кој е важен за сексуалното здравје. Исто така, претставуваат и добар извор на витамините од Б-комплексот, кои го покачуваат нивото на енергија и сексуалните хормони.

Целер

Овој зеленчук е моќен стимуланс, бидејќи во себе содржи супстанца позната како андростерон, кој е безмирисен афродизијак во машката пот.

Авокадо

Авокадото позитивно влијае и врз машкото и врз женското либидо. Содржи големи количества фолна киселина и му обезбедува сексуална енергија на телото. Авокадото исто така содржи и витамин Б6, кој е моќен регулатор на хормони.

Аспарагус

Аспарагусот е многу богат со витамин Е, кој е исклучително важна материја за добар секс.

Лути пиперчиња

Капсацинот, супстанцата која ги прави пиперките лути, ослободува ендорфини и други хормони кои предизвикуваат позитивни чувства и кои се неопходни за возбудлив сексуален живот.

Босилек

Босилекот ја подобрува циркулацијата, го стимулира сексуалниот нагон и ја подобрува плодноста. Оваа вкусна билка дава чувство на благосостојба, што овозможува да се доживее сексуална екстаза.

Смокви

Смоквите се многу богати со аминокиселини, кои се клучни за засилување на либидото и зголемување на сексуалната кондиција.

Лук

Лукот содржи високи количества алицин, кој може да ја подобри циркулацијата на крвта во гениталиите.