КУПУВАЈТЕ ПО КАТЕГОРИИ
Наши продавници
Клуб 5*
0
0,00 ден.
Losd fsdf sd
Нема производи во вашата кошничка.

Алергични сте на прашински грини?

Имате проблеми со спиењето? Дали кашлате, кивате и дишете тешко цела ноќ? Очите ве чешаат, црвени ви се и насолзени? Ви тече носот или ве гребе грлото? Имате егзема? Вашите проблеми може да се резултат на алергија предизвикана од прашински грини; ситни суштества кои живеат во нашите кревети и ни го прават животот пекол.

Прашински грини и алергии

Дали знаевте дека прашинските грини сами по себе не предизвикуваат алергии? Проблемот е во нивните фекалии кои содржат протеин кој може да предизвика алергиска реакција. Ако луѓето кои се чувствителни на овој конкретен протеин го вдишуваат или допрат, нивните тела почнуваат да произведуваат антитела кои потоа предизвикуваат ослободување на хистамини. Хистамините предизвикуваат непријатни симптоми кои обично ги препознаваме како симптоми на алергии. Прашински грини може да се најдат во секој кревет. Иако прашинските грини можат да бидат сосема безопасни за некои луѓе, тие можат да предизвикаат сериозни здравствени проблеми за други. Еден од најчестите резултати од наезда на прашински грини се алергиите.

Што влијае на влошување на алергиите?

Ако вашиот единствен симптом е малку затнат нос, може да бидете во искушение да не правите ништо и едноставно да го живеете животот како и досега. Сепак, можните компликации од нетретирана и игнорирана алергија на прашина се опасни бидејќи може да резултираат со други респираторни заболувања, отитис (воспаление на увото), хронични симптоми на егзема, проблеми со спиењето, што може да доведе до хроничен замор и тежок напад на астма. Прашинските грини се насекаде - не можете да им избегате. Но, бидејќи не можете целосно да се ослободите од нив, треба да обрнете посебно внимание и на други фактори кои можат да ја влошат состојбата на вашите алергии. Обидете се да избегнувате:

  • Непроветрени простории;
  • Висока влажност;
  • Високи температури (над 20° C);
  • Затворени простории со загаден воздух, како на пример дим од цигари;
  • Теписи, тапацирани столчиња, декоративни перничиња, завеси ...

 Создадете средина без прашински грини

Вистина е дека е речиси невозможно да се создаде средина без грини - но со избирање на вистинскиот пристап, можете да го намалите нивниот број и со тоа да ги ублажите симптомите. Задолжително:

  • Перете ја постелнината најмалку еднаш неделно. Користете постелнина која дише, се пере на 60°C, и е направена од материјал кој не ја задржува влагата (памук, лен, бамбус, Тенцел, итн.), 
  • Особено внимание обрнете на чистење на спалната соба,
  • Задолжително проветрувајте ја спалната најмалку еднаш или два пати во денот,
  • Купете нов душек со заштита од прашински грини, 
  • Проверете колку долго ги користите перниците и јорганите. Доколку е потребно, заменете ги со нови, кои дишат, се перат на 60°C, и имаат антиалергиски карактеристики.
  • И задолжително внимавајте креветот да биде сув.

 Екстремни мерки за екстремни резултати

Од време на време, ставете ја постелнината во замрзнувач и оставете ја таму 24 часа. Исто така, ставете го душекот на тераса и изложете го на директна сончева светлина. Со ова душекот ќе се исуши и ќе се намали можноста за множење на прашинските грини.