Дали партнерот ви го краде јорганот?

Што е развод за спиење?

Иако разводот има негативна конотација, може да ви помогне да ја спасите вашата врска. Самиот термин, кој е познат и како Скандинавски метод на спиење (бидејќи е вообичаен во Данска, Норвешка и Шведска), значи секој партнер има сопствен чаршаф и јорган.

Како може и двајцата партнери да имаат корист од Скандинавскиот метод на спиење?

Ги елиминира можните пречки во спиењето

Поради нашата еволуција, кога луѓето сѐ уште живееја како ловци, тие биле под голем ризик да бидат убиени од предатори додека спијат. Тоа е причината поради која сѐ уште сме чувствителни и на најмалите движења во кревет, кои нѐ спречуваат да спиеме квалитетно во текот на ноќта. Иако овие инстинкти се одлични, особено кога децата ве викаат сред ноќ, не се најпрактични ако секое мало движење на партнерот ве буди од сон.

Помага да ја одржите вистинската температура за спиење, за вас

Многу парови преферираат различни температури на спиење, па затоа, користењето на посебен јорган ќе ви помогне да уживате во идеалните услови за спиење. Ако ви е жешко, можете да користите потенок јорган. Ако сте и вие од тие луѓе на кои постојано им е студено, тогаш конечно ќе можете да уживате под дебелиот и топол јорган, без вашиот партнер да се жали дека му е топло.

Совршениот компромис за парови кои делат кревет

Бидејќи спиењето со партнер на крај на денот е подобро за квалитетот на спиењето и оддржувањето на квалитетна врска, тогаш, можеби ова е идеалното решение за да продолжите да спиете во ист кревет. За да го надминете чувството дека ви недостасува интимност, можете да ги преклопите јорганите пред спиење или да го делите јорганот, сѐ додека не се почувствувате подготвени за спиење.

Има негативна страна?

Секоја промена во рутината за спиење бара време за прилагодување. Само останете одлучни.

Друга работа на која треба да размислите е трошокот од купување на два јоргани и две постелнини. Сепак, ако вашето спиење е сериозно наштетено од честите будења на вашиот партнер, тогаш дефинитивно вреди да се обидете.