Дремките се корисни – најдете време за нив

Кога некој ќе спомне попладневна дремка, тоа веднаш добива негативна конотација, зашто „вистинските луѓе работат цел ден“. Но, последните истражувања покажале дека здравствените придобивки од кусите дремки се големи.

Зошто дремките се позитивни?

Здравствените студии покажа дека кусата дремка го подобрува расположението, здравјето, а што е најважно, ја зголемува продуктивноста. Дремките се особено добредојдени кога не сте доволно наспани во текот на ноќта.

Правилно дремнување

За целосно да ги искористите благодетите од кусата дремка, треба да ги следите овие препораки:

Бидете постојани

За да не го нарушите внатрешниот часовник и ритамот на спиење, следете ги ограничувањата за пладневна дремка. За квалитетно да се одморите потребни се до 20 минути дремка, затоа што за толку кусо време не можете цврсто да заспиете.

Како да го одберете вистинскиот момент

Совршен миг за пладневна дремка е 12 часа по половина ноќ одмор. За најголем дел од луѓето тоа е 15 часот. Но, мора да запомните дека секој човек има сопствен внатрешен часовник.

Избегнувајте вечерни дремки

Ако сте изморени, исклучете го телевизорот и легнете си. Доколку не направите така, подоцна ќе имате проблеми да заспиете, а утрото ќе станете со уште поголеми потешкотии.

Подгответе го телото

Создадете си рутина за пладневни дремки. Затворете ја вратата, направете едноставни вежби за растегнување, пуштете тивка музика и исклучете го светлото. Со текот на времето оваа рутина ќе го приготви телото за одмор.

Не се грижете ако не заспиете

Не мора да заспиете за да се одморите квалитетно. Лежењето и одмарањето сами по себе носат благопријатни ефекти, слични на оние од сонот.

Легнете секогаш кога можете

Дури и најкусиот одмор ќе направи да се чувствувате како да сте спиеле многу подолго.

Набљудувајте ги последиците

Ако дремнувате преку ден, но потоа имате потешкотии да заспиете навечер, скусете го времето на дремката, а доколку ништо друго не помага, тогаш сосема откажете се од неа.