Како да ги избегнете настинките на есен

Движете се

Физичката активност ја подобрува циркулацијата на крвта и ја одржува добрата состојба на имунолошкиот систем, за да има енергија да им се спротистави на инфекциите. Редовното вежбање исто така предизвикува жед и прави да пиете многу вода, што дополнително го прочистува организмот од токсини. Со тоа, имунолошкиот систем станува уште посилен.

Темелно мијте ги рацете

Еден од најчестите начини за ширење на вирусите на настинката и грипот е преку директен контакт со инфициран човек или пак преку допир на телефон, далечински управувач или тастатура на кои претходно некој кивнал. Мијте ги рацете со сапун, тријте ги добро една од друга и дајте си доволно време за оваа постапка да го има посакуваниот ефект – да ги разгради и отстрани бацилите кои можеби се налепиле на дланките.

Секојдневно земајте додатоци од витамини и минерали

Ако сте свесни дека не внесувате доволно хранливи материи преку исхраната, за да ја одржите правилната функција на имунолошкиот систем, едноставно мора да земате мултивитамински додатоци.

Заштитете ги очите

Очите лесно апсорбираат вирални честички. Доколку некој заразен Ви кивне в лице, многу е голема веројатноста дека ќе го префатите вирусот. Очилата, без разлика дали се со диоптер или за сонце, ги намалуваат шансите за директен контакт на очите со честичките.