12 правила за одбирање душек

1. Дали душекот ви дава соодветна поддршка?

Душекот мора да му даде соодветна поддршка на вашиот ‘рбет за вашето тело да биде во природна положба. Само на овој начин ќе ги заштитите вашите грб и зглобови од болки. Душекот треба да ја намали напнатоста на телото.

• Ако имате проблеми со ‘рбетот одберете цврст материјал како што е латексот.
• Ако немате проблеми со грбот или вратот, одберете душек кој е направен од мемори пена. Ова ќе ги спречи проблемите кои може да се појават во иднина, како резултат на лош и неквалитетен душек.

2. Дали душекот се прилагодува на формата на вашето тело и телесната тежина (дали е анатомски или ортопедски)?

За добар сон ви треба душек кој ќе му даде соодветна поддршка на вашето тело и ќе го релаксира вашиот ‘рбет. Ова значи дека душекот целосно ќе се адаптира на секој дел од вашето тело и ќе ви овозможи да уживате во долгиот и длабок сон без да се превртувате во текот на  ноќта.

3. Зошто душекот кој е премногу цврст или премногу мек не одговара?

• Ако душекот е премногу цврст, ќе ви даде поддршка само на одредени делови од телото.
• Ако душекот е премногу мек, нема да ви даде доволна поддршка или ќе им даде поддршка на погрешните делови.

Поддршката мора најмногу да ја чувствувате во долниот дел од грбот, рамената и вратот. Многу е важно тежината на вашето тело да биде правилно распределена на целата површина на душекот. На овој начин, ‘рбетот ќе биде соодветно поставен и ќе ви биде удобно. На поголем  дел од душеците, телесната тежина е сконцентрирана во еден дел од телото, а тоа е задникот.

4. Ако душекот нема анти-бактериска заштита, дали ќе ве заштити од прашински грини и бактерии?

Бројот на лица кои страдаат од алергии постојано се зголемува. Еден од најчестите проблеми кои предизвикуваат алергии се прашинските грини кои се насобираат во класичните душеци.

Истражувањата покажуваат дека во еден кревет, кој е стар две години или повеќе има приближно 2  милиони живи и мртви честички од прашина, кои создаваат невидлив облак од прашина кога се вртите или пак превртувате. Многу е важно да одберете душек кој ќе ве заштити од алергии и бактерии.

5. Дали душекот е проветрен (дали овозможува циркулација на воздух и топлина)?

Многу е важно материјалот во душекот ефективно да ги регулира влагата и топлината. Влагата не смее да се задржува во душекот, а истовремено треба да биде топло. Тело кое лежи на мокар и ладен душек ќе троши повеќе енергија за да се стопли, а тоа води до нарушувања и проблеми со спиењето.

6. Дали душекот е удобен?

Душекот на кој спиете мора да биде удобен. Ова значи дека кога спиете на него треба да се чувствувате удобно. Секако, мора и добро да се одморите и да бидете полни со енергија. Квалитетот на вашиот сон зависи од структурата на душекот и материјалите кои се користени.

7. Дали вашиот душек има заштита од насобирање на прашина?

Треба да одберете душек кој ќе ве заштити од прашина и насобирање на прашина која е предизвикана од статичкиот електрицитет. Електромагнетниот смог се создава од најразлични предмети кои емитуваат електромагнетни бранови, како што се: телевизорот, радиото, штекерите и електрониката. Материјалите во кои има проткаено карбонски влакна ја спречуваат појавата на електромагнетна радијација низ материјалот.

8. Дали душекот е еколошки (дали е направен од материјали кои нема да ѝ наштетат на природата и на корисниците)?

За жал, производството на современите материјали го зголемува загадувањето на воздухот. Го зголемува производството на супстанци кои имаат штетно влијание на човечкото здравје. Одберете душек кој е направен од материјали од текстилната индустрија кои се во согласност со европските стандарди.

9. Дали фирмата нуди повеќегодишна гаранција која не се однесува само на навлаката, туку и на јадрото на душекот?

Доколку имате гаранција на јадрото на душекот, фирмата се согласува во случај на некаков проблем да го замени производот со нов. 10 години или повеќе се долг временски период. Фирмата најверојатно има добра причина зошто нуди толку долга гаранција. Тоа зборува за високиот квалитет на душекот.

10. Дали душекот ја има најдобрата цена во својата класа?

Пред да се одлучите да купите душек, проверете ги предностите на одбраниот душек и споредете го со душеците од иста класа од други производители. Можеби ќе најдете многу подобар душек за истата цена.

Дормео се труди да го најде балансот помеѓу цената и квалитетот на душекот. Тоа значи дека ние нудиме квалитетни душеци по пристапни цени. Дормео душеците ги имаат предностите кои други (поскапи душеци) ги немаат.

11. Дали ќе ви ги вратат парите за душекот доколку не сте задоволни од него?

Поради големиот избор на пазарот може да направите погрешен избор при купувањето на душек. Затоа многу е важно да имате тест-период кога ќе го купувате душекот. Тоа значи дека може да спиете на него и доколку не ви се допадне да го вратите, а парите да ви бидат вратени во целост.

12. Дали фирмата нуди целосни услуги (грижа и совети пред и по купувањето на душекот)?

Купете душек каде фирмата ќе ви понуди и добри услуги – едноставен начин за нарачка, повеќе можност за плаќање, достава, повеќегодишна гаранција, можност за враќање на производот, услуги и совети.